Վրաստանի նախագահ Սալոմե Զուրաբիշվիլին մեկնել է Մեծ Բրիտանիա՝ մասնակցելու Մեծ Բրիտանիայի և Հյուսիսային Իռլանդիայի Միացյալ Թագավորության թագուհի Եղիսաբեթ Երկրորդի հուղարկավորության արարողությանը, հայտնում է նախագահի աշխատակազմը։
Տեղեկության համաձայն, Վրաստանի նախագահը Լոնդոն կատարած աշխատանքային այցի շրջանակում համաշխարհային առաջնորդների հետ միասին սեպտեմբերի 18-ին մասնակցելու է Եղիսաբեթ Երկրորդի քաղաքացիական հուղարկավորությանը և ընդունելությանը, որը տեղի կունենա Չարլզ Երրորդ թագավորի անունից։
Նշվում է, որ սեպտեմբերի 19-ին Զուրաբիշվիլին մասնակցելու է պետական թաղման արարողությանը և ընդունելությանը, որը տեղի կունենա Մեծ Բրիտանիայի և Հյուսիսային Իռլանդիայի Միացյալ Թագավորության արտգործնախարարի անունից։
«Աշխատանքային այցի շրջանակներում նախատեսվում է նաև Վրաստանի նախագահի հանդիպումը Մեծ Բրիտանիայի և Հյուսիսային Իռլանդիայի Միացյալ Թագավորության խորհրդարանի Համայնքների պալատի նախագահի հետ», — նշված է հաղորդագրության մեջ:
