Նախագահ Սալոմե Զուրաբիշվիլին քննադատել է հանրային հեռարձակողին Եվրոպական խորհրդի նախագահ Շառլ Միշելի՝ վրաց ժողովրդին ուղղված ուղերձի հեռարձակման հետ կապված խնդրի համար։
Տարածված հայտարարության մեջ նախագահի աշխատակազմը տեղեկացնում է, որ մայիսի 9-ին` մինչ հանդիսավոր համերգի մեկնարկը, նախագահի աշխատակազմը հանրային հեռարձակողին խնդրել է ուղիղ եթերով հեռարձակել միջոցառման սկիզբը (մի քանի րոպե)։ Միջոցառմանը Վրաստանի քաղաքացիներին դիմել է Եվրոպական խորհրդի նախագահ Շառլ Միշելը։
«Չնայած խնդրանքին, միջոցառման մասին հաղորդումը հրապարակվել է ոչ թե հանրային հեռարձակողի ուղիղ եթերում (ժամը 21:00-ին), այլ «Մոամբե» լրատվականի վերջին թողարկումներից մեկում՝ ժամը 21:27-ին։
«Հեռարձակման մասին» Վրաստանի օրենքի համաձայն՝ հանրային հեռարձակողը պարտավոր է խթանել Վրաստանի արտաքին քաղաքականության հիմնական ուղղությունները, այդ թվում՝ Եվրամիությանը ինտեգրումը», — ասել է նախագահը։
