Վրաստանի հանրային հեռուստաընկերության «Վրաստանի աստղ» շոուի հաղթող է ճանաչվել Օթո Նեմսաձեն: Վերջինս Ռոման Գիորգաձեի «Սուլ ծին իարե» (միշտ առաջ քայլիր) երգով Վրաստանը կներկայացնի Իսրայելում կայանալիք «Եվրատեսիլ 2019» երգի մրցույթում:
«Վրաստանի աստղ» նախագծի եզրափակչում Օթո Նեմսաձեն ստացել է ձայների 44,13 տոկոսը:
Նախագծի հաղթողը որոշվել է միայն հանդիսատեսի քվեարկությամբ: Հեռուստադիտողները քվեարկությունը կատարել են հեռախոսազանգերով, կարճ հաղորդագրություններով և ֆեյսբուքի մեսենջերով:
