Ի պաշտպանություն Վրաստանի և Ուկրաինայի տարածքային ամբողջականության և ազատության, Թբիլիսիում Ռուսթավելիի հուշարձանից երթ է տեղի ունեցել դեպի խորհրդարան։ Երթը կազմակերպել են ընդդիմադիր «Եվրոպական Վրաստանը» և տարբեր կազմակերպություններ։
Երթի մասնակիցները վրացերեն և ուկրաինական գրություններով պաստառներ են պարզել՝ «Չարը հաղթեց բարուն, նրա կյանքը երկար է»՝ վանկարկելով «Փառք հերոսներին», «Կեցցե Վրաստանը»։
«Սեպտեմբերի 27-ին Սոխումին ընկավ։ 29 տարի առաջ Ռուսաստանը Վրաստանից խլեց Աբխազիան և հազարավոր վրացիների կյանքեր։ Ցեղասպանությունից փախած հարյուր հազարավոր մարդիկ դեռ տեղահանված են և չեն կարող տուն գնալ:
Այսօր ուկրաինացիների անձնազոհությունը պատմական հնարավորություն է ստեղծում Ռուսաստանի պարտության համար, իսկ այս իրադարձությունները քաղաքականապես անխուսափելի կդարձնեն վրացիների վերադարձը հայրենիք», — նշել են կազմակերպիչները։
