Վաղը՝ սեպտեմբերի 29-ի ժամը 19:00-ից նախագահական նստավայրի մոտ «Երիտասարդները՝ Լազարեի համար» խորագրով ակցիա կանցկացնեն:
Ակցիայի մասնակիցները կպահանջեն ազատ արձակել մարտյան ցույցերի ժամանակ ձերբակալված Լազարե Գրիգորիադիսին։ Ըստ հայտարարության՝ ակցիայի նպատակը նախագահին և «Վրացական երազանքին» ևս մեկ անգամ ասելն է, որ Վրաստանը երբեք «Ռուսաստանի գավառ» չի լինելու և պետք է անհապաղ ազատ արձակել Լազարե Գրիգորիադիսին։
«Վրաստանի եվրոպական ապագայի համար Վրաստանը միանշանակ կլինի եվրոպական ընտանիքի արժանի անդամը»,- հայտարարել են ակցիայի կազմակերպիչները:
Ի դեպ, սեպտեմբերի 25-ին դատարանը Լազարե Գրիգորիադիսին մեղավոր է ճանաչել հորը՝ Բեքա Գրիգորիադիսին, վիրավորելու համար և դատապարտել 1 տարի 6 ամիս ազատազրկման։ Լազարե Գրիգորիադիսը ձերբակալվել է մարտի 29-ին։ Նա մեղադրվում է մարտյան ցույցերի ժամանակ ոստիկանի վրա հարձակվելու և ոստիկանական մեքենան այրելու համար։ Այս գործով Լազարե Գրիգորիադիսի նկատմամբ որպես խափանման միջոց է ընտրվել կալանավորումը։
