2022 թվականի հունվար-մայիս ամիսներին Վրաստան է ներկրվել 1,7 մլն դոլարի՝ 1576 տոննա խաղող, ինչը 267 տոննայով ավելի է նախորդ տարվա նույն ժամանակահատվածի համեմատ։
Վրաստանի ազգային վիճակագրական ծառայության (Geostat) տվյալներով՝ 2022 թվականի առաջին եռամսյակում Վրաստանում միջին ամսական անվանական աշխատավարձը նախորդ տարվա համապատասխան ժամանակաշրջանի համեմատ աճել է 15,1 տոկոսով՝ 190,3 լարիով (մոտ 63 դոլար) և կազմել 1 446,5 լարի (մոտ 482 դոլար)։
Վրաստանի առողջապահության նախարար Զուրաբ Ազարաշվիլիի խոսքով՝ չնայած երկրում կորոնավիրուսով վարակման դեպքերի թվի աճին, այս փուլում դիմակներ օգտագործելու պարտավորությունը վերադարձնելու և որևէ սահմանափակում սահմանելու կարիք չկա։
Վրաստանում Եվրամիության դեսպան Կարլ Հարցելը «Ամերիկայի ձայն»-ի վրացական ծառայությանը տված հարցազրույցում ասել է, որ Եվրահանձնաժողովի առաջարկությունները, որոնք Վրաստանը պետք է կատարի ԵՄ-ի թեկնածուի կարգավիճակ ստանալու համար, ուղղված են համակարգային մարտահրավերների դեմ պայքարին, ոչ թե որոշակի մարդկանց։
ԱՄՆ ֆինանսական հանցագործությունների դեմ պայքարի ցանցը (FinCEN) և ԱՄՆ-ի առևտրի նախարարության արդյունաբերության և անվտանգության բյուրոն նախազգուշական նամակ են տարածել պատժամիջոցները շրջանցելու Ռուսաստանի ու Բելառուսի փորձերի մասին, որտեղ խոսք կա նաև Վրաստանի մասին։
Եվրախորհրդարանի պատգամավոր Մարկետա Գրեգորովան ասել է. «Մենք արդեն հիշատակել ենք Իվանիշվիլիին բանաձևերից մեկում, այո, մենք կարծում ենք, որ նա օլիգարխ է, և Վրաստանի ապաօլիգարխացման կոչը վերաբերում է նրան»:
Վրաստանում մի քանի պետական ծառայողներ լքել են իշխող «Վրացական երազանք» կուսակցության շարքերը՝ ի պաշտպանություն կուսակցությունից դուրս եկած պատգամավորներ Սոզար Սուբարիի, Միխեիլ Կղավելաշվիլիի և Դիմիտրի Խունդաձեի։
Կենտրոնական Վրաստանում բնակվող հարկադիր վերաբնակների համար էլեկտրաէներգիան անվճար կլինի Լիտվայի աջակցությամբ արևային էլեկտրակայանի (ԱԷԿ) տեղադրման շնորհիվ։
Վրաստանի երրորդ նախագահ, այժմ անազատության մեջ գտնվող Միխեիլ Սաակաշվիլիի բյուջետային խոշոր միջոցների յուրացման գործով այսօր՝ հուլիսի 11-ին նշանակված դատական նիստը հետաձգվել է մինչև օգոստոսի 1-ը` վերջինիս առողջական վիճակի պատճառով։
Թբիլիսիում Մելիքիշվիլի փողոցի վերականգնման աշխատանքների ժամանակ հին շենքի բեկորներ են հայտնաբերվել։
Վրաստանում շուրջ 20 հասարակական կազմակերպություններ և ԶԼՄ-ների ներկայացուցիչներ դիմում են հրապարակել` կոչ անելով Մառնեուլիի քաղաքապետին Սամիրա Բայրամովայի գործով մեղավոր աշխատակիցներին ազատել աշխատանքից:
Ուկրաինայում շարունակվող մարտերում ևս մեկ վրացի մարտիկ է զոհվել:
Վրաստանի Ազգային բանկի հրապարակած տվյալների համաձայն՝ հուլիսի 12-ին ամերիկյան մեկ դոլարը կարժենա 2,8830 լարի, եվրոն՝ 2,9156 լարի, բրիտանական ֆունտ ստերլինգը՝ 3,4472 լարի։
Եվ վերջում՝ մինչև հուլիսի 15-ը արևմտյան Վրաստանի որոշ շրջաններում սպասվում են կարճատև անձրև և կայծակ։
