Վրաստանի իշխող «Վրացական երազանք» կուսակցությունն այսօր ևս 5 պատգամավոր է լքել և միացել ավելի վաղ կուսակցությունը լքած ու նոր՝ «Ժողովրդի ուժ» շարժումը ստեղծած պատգամավորների թիմին:
Ընդդիմադիր «Միացյալ ազգային շարժում» կուսակցության առաջնորդներն ու համակիրները ցույց են անցկացրել Առողջապահության նախարարության մոտ և կառավարությունից պահանջել անհապաղ թույլ տալ դատաբժշկական փորձագետ Ջեյմս Քոբսին այցելել նախկին նախագահ Միխեիլ Սաակաշվիլիին՝ գնահատելու նրա առողջական վիճակը։
Վրաստանի երրորդ նախագահ, այժմ անազատության մեջ գտնվող Միխեիլ Սաակաշվիլիի փաստաբան Շալվա Խաճապուրիձեն չի բացառում, որ հոկտեմբերի 6-ին ուկրաինական դատարանը որոշում կկայացնի Սաակաշվիլիին Ուկրաինա տեղափոխելու մասին։
Վրաստանի իշխող «Վրացական երազանք» կուսակցության նախագահ Իրակլի Կոբախիձեն չի բացառում, որ խորհրդարանն ապաօլիգարխացման մասին օրենք չընդունի։
Եվրոպական խորհրդի նախագահ Շառլ Միշելի գրասենյակի ղեկավար Ֆրեդերիկ Բեռնարդն ասել է, որ Վրաստանի ընդդիմադիր «Մթավարի արխի»-ի տնօրեն Նիկա Գվարամիայի գործը ուշադրությամբ վերահսկվում է։
Վրաստանի վարչապետ Իրակլի Ղարիբաշվիլին Գերմանիայի վերամիավորման օրվան նվիրված միջոցառման ժամանակ ելույթում ասել է, որ Վրաստանը և Գերմանիան հաստատել են բարեկամական կապեր և դարձել վստահելի գործընկերներ։
Վրաստանի Ազգային բանկի տեղեկատվության համաձայն՝ այսօր ֆինանսների նախարարությունը գանձապետական պարտատոմսերի և պարտատոմսերի հերթական աճուրդն է անցկացրել և շուկա է հանել 182 օր մարման ժամկետով 20 մլն և 2 տարի մարման ժամկետով 80 մլն արժեթղթեր։
Ֆինանսական Bloomberg համակարգը հրապարակել է աշխարհի միլիարդատերերի նոր ինդեքսը, որտեղ Վրաստանի նախկին վարչապետ, մեծահարուստ, Վրաստանի իշխող «Վրացական երազանք» կուսակցության և «Քարթու» հիմնադրամի հիմնադիր Բիձինա Իվանիշվիլին 500 ամենահարուստ մարդկանց շարքում 400-րդ տեղում է։
Վրաստանում մինչև հոկտեմբերի 10-ը սպասվում է անձրևային եղանակ:
Հոկտեմբերի 3-ին Ազգային բանկի սահմանած փոխարժեքով` մեկ դոլարի պաշտոնական արժեքը 2.8228 լարի է, իսկ եվրոյինը` 2.7590 լարի։
Մառնեուլի-Թեթրիծկղարո-Ծալկա միջպետական նշանակության ավտոճանապարհի 16 կմ-անոց հատվածում վերականգնողական աշխատանքները շարունակվում են ակտիվ ռեժիմով, հայտնում է ավտոճանապարհների դեպարտամենտը։
