Ապրիլի 8-ին, ժամը 20:00-ին Թբիլիսիի ֆիլհարմոնիայի շենքի մոտից տեղի կունենա լրատվամիջոցների համերաշխության երթ դեպի խորհրդարան։ «Չի լինի լրատվամիջոց՝ չեն լինի ազատ խոսք, ճշմարտություն և արդարություն». այս կարգախոսով ցուցարարները բողոքում են լրատվամիջոցների նկատմամբ «Վրացական երազանք»-ի ճնշումների դեմ:
Ամերիկայի Միացյալ Նահանգների Հելսինկյան հանձնաժողովի անդամները՝ յոթ կոնգրեսականներ և՛ Դեմոկրատական, և՛ Հանրապետական կուսակցություններից, մտահոգություն են հայտնել, որ Վրաստանի կառավարությունը Անակլիայի նավահանգստի զգալի մասը փոխանցել է չինական պետական ընկերությանը:
Վրաստանյան «Արդար ընտրությունների և ժողովրդավարության միջազգային հասարակություն» (ISFED) հասարակական դիտորդական կազմակերպության (ՀԿ) նախագահ Նինո Դոլիձեն սոցցանցում գրառում է արել, ըստ որի` Կենտրոնական ընտրական հանձնաժողովի (ԿԸՀ) որոշմամբ ընդունվել են փոփոխություններ, որոնք սահմանափակում են քվեարկությանը լիարժեք հետևելու հնարավորությունը։
Ապրիլի 4-ին Վրաստանի պետական անվտանգության ծառայության ղեկավար է ընտրվել Անրի Օխանաշվիլին. նա նախկինում արդարադատության նախարարն էր։
Մեծ Բրիտանիայի կողմից վրացի դատավորներ Լևան Մուրուսիձեի և Միխեիլ Չինչալաձեի նկատմամբ պատժամիջոցների սահմանումից հետո «Վրացական երազանք»-ի կառավարության ղեկավարը հանդիպել է Արդարադատության բարձրագույն խորհրդի անդամներին և Գերագույն դատարանի դատավորներին։
Միավորված ազգերի կազմակերպության (ՄԱԿ) Մարդու իրավունքների պաշտպանության կոմիտեն արձագանքել է «Վրացական երազանք»-ի միակուսակցական խորհրդարանի այս շաբաթ ընդունած ռեպրեսիվ օրենքներին։
Նորվեգիայի արտաքին գործերի նախարարությունն արձագանքել է «Վրացական երազանք»-ի խորհրդարանի նոր ընդունած օրենքներին։ Նրանց գնահատմամբ՝ այդ օրենքները սահմանափակում են ժողովրդավարությունը։
Աջարիայի Ինքնավար Հանրապետության կառավարության նախագահ Թոռնիկե Ռիժվաձեն հրաժարական է տվել:
Վրաստանը նոր դեսպաններ ունի Իսպանիայում, Սլովենիայում և Վատիկանում:
Թբիլիսիի ղեկավարության որոշմամբ, որը ստորագրել է քաղաքապետ Կախա Կալաձեն, Թանգարանների միության ղեկավար Նինի Սանադիրաձեն, որ այս պաշտոնում աշխատում էր 2016 թվականի օգոստոսից, ազատվել է աշխատանքից։
Վրաստանի հանրային պաշտպանի զեկույցի համաձայն՝ 2024 թվականին «սոցիալապես անապահով ընտանիքների միասնական տվյալների բազայում» գրանցված երեխաների թիվը նախորդ տարվա համեմատ աճել է 6,51 տոկոսով։
Վրաստանի «Առաջին ալիք»-ի (Հանրային հեռուստատեսություն) հոգաբարձուների խորհրդի նախագահի պաշտոնում ապրիլի 3-ին վերընտրվել է Վասիլ Մաղլափերիձեն։ Քվեարկության գործընթացին զուգահեռ, հեռարձակողի նոր շենքի մոտ՝ Թբիլիսիի Պոլիտկովսկայա 31 հասցեում, ցույց է անցկացվել:
Վրաստանից չվերահսկվող Աբխազիայի դե ֆակտո նախագահ Բադրա Գունբան դե ֆակտո հանրապետության վարչապետ է նշանակել նախկին բարձրաստիճան պաշտոնյա Վլադիմիր Դելբային։
Վրաստանի Մցխեթա քաղաքում գտնվող Սվետիցխովելիի տաճարում, որտեղ մարտի 22-ին հորդառատ անձրևից հետո տանիքից ջուր էր լցվել, Մշակութային ժառանգության գործակալությունը հետազոտական և վերականգնողական աշխատանքների համար փայտամած է կառուցելու։
Քաղաքացիական ավիացիայի գործակալության տվյալներով՝ ամառային նավագնացության սեզոնին դեպի Կորեա չարտերային թռիչքները կվերսկսվեն։
Վրաստանի քաղաքացու կենսաչափական անձնագրի ձևը կփոխվի։
