2025 թվականի ապրիլի 17-ին Թբիլիսիում ընթացել է Վրաստանի, Ադրբեջանի և Հայաստանի եռակողմ հանդիպումը երեք երկրների փոխարտգործնախարարների մակարդակով։
«Վրացական երազանք»-ի ներկայացրած օտարերկրյա դրամաշնորհների ընդունման արգելքի մասին օրենսդրական փոփոխությունները, առանց կառավարության հաստատման, Միխեիլ Կղավելաշվիլին ստորագրեց:
ԱՄՆ Սենատի դեմոկրատ անդամ և Արտաքին հարաբերությունների հանձնաժողովի բարձրաստիճան անդամ Ջին Շահինը «Վրացական երազանք»-ի օրենսդրական փոփոխությունը, որը պահանջում է կառավարության հավանությունը դրամաշնորհներ ստանալու համար, համարել է ևս մեկ քայլ նահանջ ժողովրդավարությունից:
Եվրամիության ընդլայնման հարցերով հանձնակատար Մարտա Քոսը «խոր մտահոգություն» է հայտնել Վրաստանի «Դրամաշնորհների մասին օրենքի» փոփոխությունների վերաբերյալ և դրանք որակել «Եվրամիության արժեքներից և չափանիշներից ևս մեկ հետքայլ»։
Եվրամիության արտաքին գործերի և անվտանգության քաղաքականության գերագույն ներկայացուցիչ Կայա Կալասը արձագանքել է «Վրացական երազանք»-ի հաստատած «Դրամաշնորհների մասին» օրենքի փոփոխություններին:
Եվրախորհրդարանի լիտվացի պատգամավոր Ռասա Յուկնևիչենեն իր X սոցիալական էջում, անդրադառնալով Վրաստանում ընդունված օրենքին, գրել է, որ Վրաստանն ավելի է խրվում ավտորիտարիզմի մեջ։
Նորվեգիայի արտաքին գործերի նախարարությունը հայտարարություն է տարածել, որում նշված է, որ Վրաստանում ընդունված օրենքը, որն արգելում է դրամաշնորհներ ստանալ առանց կառավարության համաձայնության` խաթարում է վրաց ժողովրդի անկախությունը։
Վրաստանի հինգերորդ նախագահ Սալոմե Զուրաբիշվիլին հանդիպել է ընդդիմությանը։ Ընդդիմադիր քաղաքական գործիչները նշել են, որ հանդիպմանը քննարկվել են ընդդիմադիր հարթակի ընթացիկ խնդիրներն ու ծրագրերը։
«Վրացական երազանք»-ի կառավարության վարչապետ Իրակլի Կոբախիձեն Ապրիլի 9-ի մասին իր հայտարարությանը հաջորդած հասարակության մի հատվածի վրդովմունքը գնահատել է «վրացական լիբերալների սահմանափակ մտածողություն» բնորոշմամբ։
Կոբախիձեն 2021 թվականի փետրվարին ընդդիմադիր առաջնորդ Նիկա Մելիայի՝ «Միացյալ ազգային շարժում» (ՄԱՇ) կուսակցության գրասենյակում հատուկ գործողության ընթացքում ձերբակալության հետաձգումը կապել է Վրաստանի երրորդ նախագահ Միխեիլ Սաակաշվիլիի երկիր ներթափանցման հետ։
Վրաստանի Սահմանադրական դատարանի (ՍԴ) նախագահ է ընտրվել Ռևազ Նադարաիան:
Վրաստանի Ներքին գործերի նախարարությունը (ՆԳՆ) պատրաստել է «Միջազգային պաշտպանության մասին օրենքում» օրենսդրական փոփոխությունների փաթեթ։
Դատավոր Զվիադ Ցեկվավան «Ինդիգո» լրատվամիջոցի լրագրող Սաբա Սորդիային տուգանել է 2500 լարիի չափով։ Սաբա Սորդիան մտադիր է բողոքարկել որոշումը։
Գործարար Գիորգի Չիկվաիձեին ապրիլի 17-ին դատական նիստին մասնակցելու են տարել հաշմանդամի սայլակով։ Դատավոր Իզա Կելենջերիձեն դատական պրոցեսի ընթացքում նրան հեռացրել է դահլիճից:
«Սոցիալական արդարության կենտրոն»-ը (SJC) հայտնել է, որ Աֆգան Սադիգովն ազատ է արձակվել բանտից։
Վրաստանի ֆինանսների նախարարության եկամուտների ծառայության փոխանցմամբ՝ Փոթիի մաքսային անցակետում ստուգումից հետո Գերմանիայից ներկրված սառեցված հավի մսով բեռնված մեքենաները հետ են ուղարկվել, իսկ Եգիպտոսից ուղարկված քաղցր կարտոֆիլը ոչնչացվել է։
«Վրացական երազանք»-ի կրթության նախարարության հաղորդմամբ՝ ապրիլի 16-ին Ալեքսանդրե Ծուլաձեն («Վրացական երազանք»-ի կրթության, գիտության և երիտասարդության նախարար) «դպրոցական համայնքին և շահագրգիռ կողմերին ներկայացրել է հանրակրթության նոր ծրագիրը»:
