Սինգապուրի տեխնոլոգիաների և դիզայնի համալսարանի (SUTD) հետազոտողները կորոնավիրուսի համաճարակի ավարտի ժամկետներն են հաշվել: Հետազոտությունը հրապարակվել է համալսարանի կայքէջում:
Հետազոտության համաձայն Վրաստանում կորոնավիրուսի վարակը 97 տոկոս հավանականությամբ կավարտվի 2020 թվականի հունիսի 6-ին, 99 տոկոս հավանականությամբ՝ 2020 թվականի հունիսի 25-ին:
100 տոկոս հավանականությամբ երկրում համաճարակը կավարտվի 2020 թվականի հուլիսի 28-ին:
Ինչպես նշվում է կայքէջում, հետազոտությունը նախատեսված է կրթական և գիտական նպատակների համար և հնարավոր է որոշակի թերություններ պարունակի: Նկարագրության մեջ նաև պարզաբանված է, որ տվյալներին պետք է զգուշորեն մոտենալ:
