Միջազգային դիտորդական կազմակերպությունները մամուլի ասուլիս են հրավիրել Վրաստանում անցկացված խորհրդարանական ընտրությունների վերաբերյալ և ներկայացրել իրենց նախնական գնահատականները նախընտրական շրջանի և ընտրությունների օրվա մասին։ Մամուլի ասուլիսը տեղի է ունեցել հոկտեմբերի 27-ին։
ԵԱՀԿ-ի (Եվրոպայում անվտանգության և համագործակցության կազմակերպություն) համակարգող և դիտորդների ղեկավար Պասկալ Ալիզարդը նշել է, որ չնայած ընտրությունների լավ կազմակերպված օրվան, միջազգային դիտորդական առաքելությունները մի շարք թերություններ են հայտնաբերել ինչպես նախընտրական գործընթացում, այնպես էլ հենց ընտրությունների օրը։
Դրանցից նա առանձնացրել է մի քանի կարևոր խնդիր.
- բևեռացված միջավայր ընտրական շրջանում,
- ընտրողների նկատմամբ ճնշումների և ահաբեկման փաստեր, որոնք, ըստ նրա, հատկապես լայն տարածում են գտել պետական հատվածում աշխատող անձանց նկատմամբ նախընտրական քարոզարշավի ողջ ընթացքում,
- ֆինանսական ռեսուրսների անհավասարակշռություն և այս առումով իշխող կուսակցության առավելություն,
- լրատվական բևեռացված միջավայր և մասնավոր լրատվամիջոցների քաղաքական քարոզչություն, որը խոչընդոտել է ընտրողների տեղեկացված ընտրություն կատարելուն:
- Կուսակցությունների ցուցակներում կանանց անբավարար ներկայացվածություն։
