Թբիլիսիի խորհրդարանի մոտ եվրոպամետ բողոքի ցույցը շարունակվում է. ցուցարարները գիշերել են անձրևի տակ։

Չնայած եղանակային վատ պայմաններին` բողոքի ակցիայի մասնակիցներն այս պահին օրենսդիր շենքի դիմաց են անփոփոխ պահանջներով. եվրոպամետ բողոքի ակցիայի մասնակիցները պահանջում են նոր ընտրությունների անցկացում և քաղբանտարկյալների ազատ արձակում։

Ցուցարարները հայտնել են, որ ներքին գործերի նախարարության (ՆԳՆ) աշխատակիցները կանգնեցնում և խուզարկում են բոլոր նրանց, ովքեր փորձում են մոտենալ ցույցի մասնակիցներին։