Աշխատանքային այցով Լիտվայի մայրաքաղաքում գտնվող Վրաստանի պաշտպանության և անվտանգության հարցերի հանձնաժողովի խորհրդարանական պատվիրակությունը մասնակցել է Վրաստանի Անկախության օրվա կապակցությամբ դեսպանատան կողմից կազմակերպված «Վրաստանի Եվրոպական ուղին» (Georgia’s European Way) քննարկմանը:
Միջոցառումը կազմակերպվել է Լիտվայի Արևելագիտության կենտրոնի և Եվրոպական հանձնաժողովի հետ համատեղ:
Քննարկման հիմնական նպատակն էր լայն հանրությանը ներկայացնել Վրաստանի դիրքորոշումը, Եվրամիության հետ հարաբերություններում ձեռք բերված առաջընթացը և հետագա խորացման ուղիները։
Միջոցառման մասնակիցները քննարկել են Վրաստանի՝ ԵՄ անդամակցության հայտի կարևորությունը և դրա դրական որոշումը։
Ելույթ են ունեցել Վրաստանի խորհրդարանի պաշտպանության և անվտանգության հանձնաժողովի նախագահ Իրակլի Բերայան, Լիտվայի արտաքին գործերի փոխնախարար Մանտաս Ադոմենասին և Եվրահանձնաժողովի քաղաքականության և վերլուծության ղեկավար Լայմուտե Պիլուկայտեն։ Եզրափակիչ խոսքով ներկաներին դիմել է Լիտվայում Վրաստանի դեսպան Սալոմե Շափաքիձեն։
Քննարկմանը մասնակցել են պաշտպանության և անվտանգության հանձնաժողովի անդամներ, ինչպես նաև Լիտվայի պետական կառույցների և քաղաքական շրջանակների, խորհրդարանի, Վիլնյուսում հավատարմագրված դիվանագիտական կորպուսի և քաղաքացիական հասարակության ներկայացուցիչներ:
