Դպրոցներում ուսումնական գործընթացը սկսելու մասին որոշումը չի ընդունվի, քանի դեռ երկրում համաճարակաբանական իրավիճակը չի կայունացել:
Այս մասին այսօր Պատվաստման խորհրդի նիստի ավարտից հետո հայտարարել է Վրաստանի առողջապահության փոխնախարար Թամար Գաբունիան:
Պաշտոնյան ընդգծել է, որ դպրոցներում անվտանգ միջավայր ստեղծելու համար անհրաժեշտ է հաշվի առնել պատվաստված ուսուցիչների թիվը:
«Հաշվի առնելով մեր ներկայիս համաճարակաբանական իրավիճակը, դպրոցների բացման հետ կապված պայմաններն առաջին հերթին կախված կլինեն վարակի տարածման մակարդակից և կորոնավիրուսի դրականության աստիճանից: Ուսուցիչների պատվաստումները շատ ակտիվ են: Այսպիսով` համաճարակաբանական իրավիճակը և պատվաստման իրավիճակը կդառնան երկու նախապայման ` դասարաններում ուսուցումը սկսելու համար», — ասաց Թամար Գաբունիան:
Սովորաբար Վրաստանի դպրոցներում կրթությունը վերսկսվում է սեպտեմբերի 15 -ին: Մինչ այժմ պատվաստվել է դպրոցների ուսուցիչների 40% -ը:
Վրաստանն անցնում է կորոնավիրուսի տարածման չորրորդ ալիքի միջով, որն ամենադաժանն է դարձել. երկիրն օգոստոսի ընթացքում գրանցել է վարակի և մահացության ռեկորդային ցուցանիշ:
Օգոստոսի ընթացքում Վրաստանում կորոնավիրուսի հետևանքներից արդեն մահացել է 1509 հիվանդ:
