2023 թվականի մարտին նախորդ տարվա նույն ժամանակահատվածի համեմատ Վրաստանում սոխի գինն աճել է 110,7 տոկոսով։
Վիճակագրության համաձայն՝ այս տարվա առաջին երեք ամիսներին Վրաստանը ձեռք է բերել 2 մլն 731 հազար դոլարի 7 220 տոննա սոխ, ինչը 11,2 տոկոսով գերազանցում է նախորդ տարվա նույն ժամանակահատվածի տվյալները: Այս մասին փոխանցում է Վրաստանի ազգային վիճակագրության ծառայությունը։
Հունվար-փետրվարին հանրապետություն է ներկրվել 1-1,3 մլն դոլարի սոխ, իսկ մարտին ներմուծումը նվազել է՝ հասնելով մինչև 347 հազար դոլար։
2023 թվականի առաջին եռամսյակում Վրաստանը սոխ է գնել 5 երկրից։
- Ռուսաստան՝ 1,6 մլն դոլար, 4 249 տոննա,
- Ադրբեջան՝ 703 հազար դոլար, 1 869 տոննա,
- Թուրքիա՝ 336 հազար դոլար, 882 տոննա,
- Եգիպտոս՝ 74 հազար դոլար, 216 տոննա,
- Նիդեռլանդներ՝ 6 հազար դոլար, 3 տոննա։
