Վրաստանի ազգային վիճակագրության ծառայության (Geostat) պաշտոնական տվյալների համաձայն, 2019 թվականի երրորդ քառորդում միջին աշխատավարձը կազմել է 1 217 լարի, այս ցուցանիշը նախորդ տարվա նույն ժամանակահատվածի համեմատ 91,6 լարիով աճ է արձանագրել:
Պաշտոնական վիճակագրությունը ցույց է տալիս, որ աշխատավարձերի աճը նկատելի է գրեթե բոլոր հատվածներում: Համեմատաբար բարձր աշխատավարձ արձանագրվել է շինարարության (2008 լարի), տեղեկատվության և հաղորդակցության (1 958 լարի), մասնագիտական և տեխնիկական գործունեության (1 936,2 լարի) և ֆինանսական գործունեության (1 989,6 լարի) ոլորտներում:
2019 թվականի երրորդ քառորդում կանանց միջին աշխատավարձը սահմանվել է 924 լարի, տղամարդկանց միջին աշխատավարձը՝ 1 475 լարի:
