Վրաստանի Ազգային վիճակագրական ծառայության տվյալների համաձայն՝ 2024 թվականի երկրորդ եռամսյակում (ապրիլ, մայիս, հունիս) Վրաստանում գործազրկության մակարդակը նախորդ տարվա նույն շրջանի համեմատ  նվազել է 3,1%-ով և կազմել 13,7%։

Տվյալների համաձայն, այս տարի աշխատանքի ընդունվածների թիվն աճել է 19.1 հազարով (2,1%) և հասել 935.8  հազարի,  իսկ ինքնազբաղվածների թիվն աճել է  41.3 հազարով ( 10.1%) և կազմել 451.5 հազար:

Ինչպես նաև, նույն ժամանակահատվածում գործազուրկների թիվը նվազել է 47.2  հազարով (17,7%) և կազմել 219.7 հազար:

Ինչ վերաբերում է քաղաքում և գյուղում գործազրկության մակարդակին, ապա, քաղաքային բնակավայրերում գործազրկության մակարդակը նվազել է 3,5%-ով, իսկ գյուղական բնակավայրերում՝ 2,5%-ով։