Վրաստանը և Հայաստանը միասնական հայտով կդիմեն ՖԻՖԱ-ին՝ ֆուտբոլի աշխարհի 2029 թվականի երիտասարդների առաջնությունը հյուրընկալելու համար: Այս մասին հայտարարել է Հայաստանում գտնվող Վրաստանի ֆուտբոլի ֆեդերացիայի նախագահ Լևան Կոբիաշվիլին։
Նա մամուլի ասուլիս է հրավիրել Հայաստանի ֆուտբոլի ֆեդերացիայի նախագահ Արմեն Մելիքբեկյանի հետ։ Կոբիաշվիլիի խոսքով, Վրաստանն ու Հայաստանը 2029 թվականին մինչև 20 տարեկանների աշխարհի առաջնության համար միասնական հայտ կներկայացնեն և կպայքարեն մրցաշարի հյուրընկալողի կարգավիճակի համար:
«Ցանկանում եմ շնորհակալություն հայտնել հայ գործընկերոջս համագործակցության համար։ Դա շատ կարևոր է մեր երկրների համար։ Մենք դրա փորձն ունենք, նմանատիպ մրցաշարեր անցկացրել ենք։ Հուսով եմ՝ մենք կհաղթենք և միասին կհյուրընկալենք այս կարևորագույն մրցաշարը»,- ասել է Կոբիաշվիլին։
Հիշեցնենք, որ 2017 թվականին Վրաստանն ընդունել է մինչև 19 տարեկանների Եվրոպայի առաջնությունը, իսկ 2023 թվականին՝ մինչև 21 տարեկանների Եվրոպայի առաջնությունը:
