2023 թվականի նոյեմբերին Վրաստանից արտերկիր է փոխանցվել 31,3 մլն դոլար (84,6 մլն լարի), ինչը 0,5 տոկոսով պակաս է 2022 թվականի նույն ամսվա ցուցանիշից։

Վրաստանի Ազգային բանկի տեղեկացմամբ՝ նախորդ ամիս ամենաշատ գումարը փոխանցվել է Թուրքիա` փոխանցումների մոտ 23 տոկոսը, հաջորդն Ադրբեջանն է՝ 11,9 տոկոս, իսկ Ռուսաստանը՝ 11,4 տոկոս։

Այն երկրների ցանկը, որտեղ ամենաշատ գումար է փոխանցվել 2023 թվականի նոյեմբերին, ստորև.

• Թուրքիա՝ 7,051 մլն դոլար,
• Ադրբեջան՝ 3,689 մլն դոլար,
• Ռուսաստանի Դաշնություն՝ 3,556 մլն դոլար,
• Ուկրաինա՝ 2,322 մլն դոլար,
• Հունաստան՝ 1,587 մլն դոլար,
• Ուզբեկստան՝ 1,518 մլն դոլար,
• ԱՄՆ՝ 1,296 մլն դոլար,
• Ղազախստան՝ 1,198 մլն դոլար,
• Իտալիա՝ 966 հազար դոլար,
• Լեհաստան՝ 908,5 հազար դոլար: