Վրաստանի որոշ հանրակրթական դպրոցների հոգաբարձուների խորհրդի համար առաջադրվելիք տնօրենի թեկնածուների և համապատասխան դպրոցների ցուցակը հաստատվել է, տեղեկացրել է Վրաստանի կրթության, գիտության և երիտասարդության (ԿԳԵ) նախարարությունը:
Դպրոցների ցանկը, որտեղ արդեն իսկ առաջադրվել է տնօրենների թեկնածությունը, հասանելի է այստեղ: Տնօրենի թեկնածուն պետք է իր մասին տեղեկությունը ստուգի ցուցակում՝ օգտագործելով եզակի վեցանիշ կոդ (այն կոդը, որը ստացել է գրանցման ժամանակ — հեղ.)։
Նախարարության նախադպրոցական և հանրակրթության զարգացման վարչությունն ընտրված թեկնածուների ցուցակը հաստատելուց հետո 5-օրյա ժամկետում պետք է ապահովի թեկնածուի առաջադրումը համապատասխան հանրակրթական դպրոցի հոգաբարձուների խորհրդին: Համապատասխան հանրակրթական դպրոցի հոգաբարձուների խորհուրդը առաջադրված թեկնածուներից 6 տարի ժամկետով տնօրեն է ընտրում թեկնածուի առաջադրումից հետո՝ հինգ աշխատանքային օրվա ընթացքում։
Տնօրենի թեկնածուներն իրենց ծրագրերը հոգաբարձուների խորհրդին պետք է ներկայացնեն հանրային ժողովի ժամանակ: Տնօրենի թեկնածուն` մինչ տնօրեն ընտրվելը, հանրակրթական դպրոցի հոգաբարձուների խորհրդին է ներկայացնում նաև.
- Վրաստանի քաղաքացու անձնագիր կամ անձնագրի պատճենը,
- լուսանկար,
- բարձրագույն կրթությունը հաստատող փաստաթղթի պատճենը,
- տեղեկանք առնվազն 3 տարվա աշխատանքային ստաժի, այդ թվում՝ կրթության ոլորտում առնվազն մեկ տարվա դասավանդման ստաժի մասին,
- բժշկա-թմրամիջոցների փորձաքննության եզրակացությունը,
- դատված չլինելու մասին տեղեկանք,
- տեղեկանք սեռական ազատության և այս ուղղությամբ հանցագործություն չկատարելու մասին,
- իրավունքի վերացման մասին ծանուցում,
- հանրակրթական դպրոցի հոգաբարձուների խորհրդի սահմանած այլ փաստաթղթեր (եթե կան — հեղ.):
Հիշեցնենք. ԿԳԵ նախարարության նախաձեռնությամբ հանրակրթական դպրոցների տնօրենների մրցույթի շրջանակներում հարցազրույցի փուլը սկսվել էր մարտից:
