Այսօր` դեկտեմբերի 10-ին, Մարդու իրավունքների պաշտպանության միջազգային օրը, Գերմանիայի արտաքին գործերի նախարար Անալենա Բերբոքը սոցցանցում կադրեր և հայտարարություն է տարածել Վրաստանում շարունակվող բողոքի ցույցերի մասին։
«Նրանք, ովքեր իրենց ձայնն են բարձրացնում հանուն բոլորի արժանապատվության, ովքեր օրենքի ուժով պայքարում են հզորների անարդարության դեմ, ովքեր կամայականություններին ի պատասխան չեն լռում, այլ դառնում են ավելի հաստատակամ, ովքեր պայքարում են ընդդեմ իշխանության չարաշահման՝ հիշեք. մենք տեսնում ենք ձեզ, աշխարհը նայում է ձեզ: Ձեր քաջությունը վստահության աղբյուր է: Ոչ միայն այսօր՝ մարդու իրավունքների օրը, այլև միշտ»,- գրել է Բերբոքն Instagram-ում։
