Վրաստանի Կենտրոնական ընտրական հանձնաժողովի (ԿԸՀ) նախագահ Գիորգի Կալանդարիշվիլին, որ «Վրացական երազանք»-ի հետ միասին Վրաստանում մեղադրվում է ընտրակեղծիքների համար, դիտորդական առաքելություն է իրականացրել ավտորիտար Տաջիկստանի ընտրությունների ժամանակ։ Տաջիկստանի ընտրություններն անցել են առանց ընդդիմության և առանց ԵԱՀԿ դիտորդների։

Այս տեղեկությունը, որն ի սկզբանե տարածվել էր ռուսական լրատվամիջոցներով, «Ազատություն» ռադիոկայանին հաստատել են Վրաստանի ԿԸՀ-ից:

Տաջիկստանն ավտորիտար պետություն է՝ խիստ սահմանափակ քաղաքական և քաղաքացիական իրավունքներով։

Երկրում, որտեղ գրանցված է 5,5 միլիոն ընտրող, կիրակի օրը՝ մարտի 2-ին, տեղի են ունեցել խորհրդարանի Ստորին պալատի, Ներկայացուցիչների պալատի և տեղական ինքնակառավարման մարմինների ընտրություններ։ Պաշտոնական արդյունքներով հաղթել է իշխող կուսակցությունը։

Ընտրություններն անցկացվել են առանց ընդդիմության: Տաջիկստանի ԿԸՀ-ի տվյալներով՝ երկրում գրանցված 7 կուսակցություններից 6-ն է մասնակցել ընտրություններին, այդ թվում՝ նախագահ Էմոմալի Ռահմոնի իշխող՝ Ժողովրդական դեմոկրատական ​​կուսակցությունը։

Ըստ տեղեկությունների.

• Ընտրություններին մասնակցող կուսակցություններից ոչ մեկը չի քննադատում նախագահ Ռահմոնի կուսակցությանը:
• Իրական ընդդիմադիր կուսակցության՝ Տաջիկստանի սոցիալ-դեմոկրատական ​​կուսակցության առաջնորդ Շոկիրջոն Խակիմովը 2024 թվականից ի վեր դատապարտվել է 18 տարվա ազատազրկման՝ «պետական ​​հեղաշրջման» մեղադրանքով:
• 2015 թվականին «Իսլամական վերածնունդ» կուսակցության արգելումից հետո դա միակ ընդդիմադիր կուսակցությունն է երկրում։