ԱՄՆ պետքարտուղարի նախկին օգնական, «Ատլանտյան խորհրդի» Եվրոպայի և Եվրասիայի կենտրոնի վերլուծաբան Դենիել Ֆրիդի կարծիքով՝ Վրաստանի կառավարությունը պետք է դադարեցնի Պուտինին օգնելը։
Ֆրիդի խոսքով, Վրաստանի կառավարությունն այլևս չպետք է օգտագործի պուտինիստական ավտորիտար մեթոդները կամ պուտինիստական ազգայնականության ու անհանդուրժողականության քաղաքականությունը։
«Վրաստանը չի կարող կասեցնել Ռուսաստանի ագրեսիան Ուկրաինայի կամ հենց Վրաստանի դեմ, սակայն Վրաստանի կառավարությունը կարող է դադարեցնել Պուտինին օգնելը։
Եթե Վրաստանի կառավարությունը հրաժարվի ժողովրդավարությունից, կմնա առանց ընկերների Եվրոպայում կամ ԱՄՆ-ում, որոնք կօգնեին նրան պաշտպանել իր ինքնիշխանությունը Պուտինի հաջորդ քայլերից, որոնք, վստահ ենք, կձեռնարկվեն»,- ասել է վերլուծաբանը։
Ի դեպ, Ֆրիդը մինչ Ուկրաինա ներխուժելը Ռուսաստանի դեմ ԱՄՆ-ի կիրառած պատժամիջոցների ամենամեծ փաթեթի հեղինակն է։
