Վրաստանի գլխավոր դատախազ Իրակլի Շոթաձեն հանդիպել է Իրանի Իսլամական Հանրապետության դեսպան Աքբար Ղասեմի Ալի Աբադիի հետ։
Հանդիպմանը ներկա են գտնվել նաև դատախազի տեղակալ՝ Նաթիա Մերաբիշվիլին և Իրանի Իսլամական Հանրապետության դեսպանատան ներկայացուցիչները։
«Վրաստանի գլխավոր դատախազը Իրանի Իսլամական Հանրապետության դեսպանին տեղեկացրել է դատախազության հիմնական գործառույթների և գործունեության առանձնահատկությունների մասին։
Հանդիպմանը քննարկվել են նաև երկու երկրների միջև հարաբերությունները։
Հանդիպման ավարտին կողմերը պատրաստակամություն են հայտնել ամրապնդել երկրների միջև համագործակցությունը հետագայում»,- նշված է հաղորդագրությունում։
Տաթև Խոցանյան, «Ալիք մեդիայի» ստաժոր
