Վրաստանի նախագահ Սալոմե Զուրաբիշվիլին և վարչապետ Իրակլի Ղարիբաշվիլին իրենց ցավակցություններն են հայտնել թագավորական ընտանիքին Միացյալ Թագավորության թագուհի Ելիսաբեթ Երկրորդի մահվան կապակցությամբ։

Նախագահ Զուրաբիշվիլին Twitter-ում գրում է. «Նորին մեծություն թագուհի Ելիսաբեթ II-ն ապրեց իր ժողովրդին, ազգին և համագործակցությանը նվիրված կյանքով:

Ժողովրդավարության և արժանապատվության արժեքներին վճռականության և նվիրվածության չափանիշ, որ ուրույն տեղ գրավեց պատմության մեջ։

Իմ մտքերն ու աղոթքները թագավորական ընտանիքի հետ են»:

Իրակլի Ղարիբաշվիլիի ցավակցական ուղերձում նշված է.

«Մեր անկեղծ ցավակցություններն ենք հայտնում թագավորական ընտանիքին, Մեծ Բրիտանիայի կառավարությանը և ժողովրդին։

Նորին Մեծություն թագուհի Ելիսաբեթ 2-րդը եղել է մի առաջնորդ, ով առաջնորդել է ազգը տասնամյակներ շարունակ և կարժանանա հարգանքի և լավ հիշողության գալիք սերունդների կողմից»:

Հիշեցնենք, որ է Մեծ Բրիտանիայի թագուհի Ելիսաբեթ II-ը մահացել է սեպտեմբերի 8-ին՝ 96 տարեկան հասակում։ Երկիրը կառավարել է ավելի քան 70 տարի։