«Կորոնավիրուսով պայմանավորված՝ Վրաստանի ֆուտբոլի ֆեդերացիան որոշում է կայացրել մինչև ապրիլի 1-ը GF-ի հովանու ներքո անցկացվող բոլոր առաջնությունները դադարեցնելու մասին», — ասվում է Վրաստանի ֆուտբոլի ֆեդերացիայի պաշտոնական կայքի տարածած հայտարարության մեջ:
Ըստ Ֆուտբոլի ֆեդերացիայի, նրանց գերխնդիրը ֆուտբոլիստների և երկրպագուների առողջությունն ու անվտանգությունն է:
Նշենք, որ Վրաստանում կորոնավիրուսով վարակվածների թիվը աճել է՝ հասնելով 23-ի: Կարանտինում կա 126 մարդ, իսկ 46 հիվանդ մնում է հիվանդանոցում:
