Վրաստանի արտաքին գործերի նախարար Իլիա Դարչիաշվիլին Բրյուսել կատարած այցի ընթացքում հանդիպել է ԵՄ արտաքին քաղաքականության և անվտանգության քաղաքականության գերագույն ներկայացուցիչ Ջոզեֆ Բորելի հետ։
Հանդիպման մասին ԱԳՆ ղեկավարը թվիթերի իր միկրոբլոգում գրառում է կատարել.
«Ուրախ եմ, որ Վրաստանի արտաքին գործերի նախարարի պաշտոնում առաջին հանդիպումն ունեցա Եվրամիության բարձր ներկայացուցիչ Ջոզեֆ Բորելի հետ։ Մենք քննարկել ենք Վրաստանի՝ Եվրամիությանն ինտեգրվելու օրակարգը և մեր երկրի առաջընթացն այս ուղղությամբ։ Այս համատեքստում ես Եվրամիության աջակցության հույս ունեմ։
Մենք խոսեցինք նաև տարածաշրջանում անվտանգության միջավայրի և տարածաշրջանային անվտանգության մեջ Եվրամիության դերի մասին», — գրել է Դարչիաշվիլին Twitter-ի իր էջում։
Glad to have started my tenure as🇬🇪's Foreign Minister by meeting🇪🇺 High Rep @JosepBorrellF. Discussed🇬🇪's 🇪🇺 integration agenda& its progress on this path.I count on🇪🇺's support in this context. Considered security environ in the region& focused on🇪🇺's role in regional stability pic.twitter.com/KTEWAw77d7
— Ilia Darchiashvili (@iliadarch) April 6, 2022
