Վրաստանի ցորեն և ալյուր արտադրողների ասոցիացիայի ղեկավար Լևան Սիլագավան հայտնել է, որ փոքր քանակությամբ, սակայն, ցորենի ներկրումը վերսկսվել է:
Սիլագավան նշել է, որ մի քանի ամսվա դադարից հետո շուկայում դրական միտում է նկատվում:
«Վրաստանում շուտով կավարտվի բերքահավաքը։ Բերքի մի մասը գյուղացիները մթերել են և չի վաճառվում։ Ավանդաբար նրանք սեզոնից հետո ավելի լավ գին են ակնկալում: Դրա մի մասը գնել են գործարանները և գտնվում են վերամշակման փուլում»,- ասել է Սիլագավան:
Նա նաև նշել է, որ խոշոր արդյունաբերական գործարանները շարունակում են գործել սահմանափակ հիմունքներով.
«Հիմնականում անցել են ալյուրի ներկրման։ Սակայն ցորենի մի մասը դեռ ներկրվում է»:
