Պաատա Սալիան կզբաղեցնի Վրաստանի արդարադատության նախարարի պաշտոնը, հայտարարել է «Վրացական երազանք»-ի վարչապետ Իրակլի Կոբախիձեն կառավարության շենքում կայացած ճեպազրույցում։
Կոբախիձեի խոսքով՝ Սալիան Վրաստանի ամենահաջողակ իրավաբաններից է։
«Վրաստանի արդարադատության նախարարի պաշտոնը կզբաղեցնի պարոն Պաատա Սալիան։ Նա հատուկ ներկայացման կարիք չունի։ Նա Վրաստանի խորհրդարանի ներկայիս պատգամավոր է և Վրաստանի ամենահաջողակ իրավաբաններից մեկը։ Նա իրավաբանական կրթությունն ստացել է Վրաստանում և Ամերիկայի Միացյալ Նահանգներում։
Գրիգոլ Լիլուաշվիլիին, Անրի Օխանաշվիլիին և Պաատա Սալիային մաղթում եմ հաջողություններ իրենց նոր պաշտոններում»,- ասել է Կոբախիձեն։
Հատկանշական է, որ Սալիան նախկինում եղել է «Ռուսթավի 2» հեռուստաընկերության տնօրենը:
