2008 թվականին ՆԱՏՕ-ի Բուխարեստի հանձնաժողովին Վրաստանը խոստում տվեց, որ կդառնա դաշինքի անդամ: Այն ժամանակ եվրոպական մի շարք երկրներ դեմ էին Վրաստանին ՆԱՏՕ-ին անդամակցության գործողությունների ծրագրի տրամադրմանը, հատկապես այն երկրները, որոնք հանդես եկան Միացյալ Նահանգների՝ Իրաք ներխուժելու համար, այդ թվում` Ֆրանսիան և Գերմանիան: Այս մասին գրում է «Ամերիկայի ձայն» ռադիոկայանի վրացական ծառայությունը:
Ըստ պարբերականի, Վրաստանի դեսպանությանը հյուրընկալել է եվրոպական քաղաքական վերլուծական կենտրոնը: Հանդիպմանը քննարկվել են նաև Վրաստանի և ՆԱՏՕ-ի գործընկերությունն ու համագործակցությունը:
«Մենք ձգտում ենք դեպի ՆԱՏՕ-ն և այս առումով Վրաստանն ունի բոլոր գործիքները: Մենք ունենք շատ հստակ ու ամուր աջակցություն ԱՄՆ-ից, ինչպես նաև օժանդակում ենք երկրում շարունակվող բարեփոխումներին, այդ թվում՝ եվրաատլանտյան ինտեգրմանը», — հայտարարել է ԱՄՆ-ում Վրաստանի դեսպան Դավիթ Բաքրաձեն:
Վրաստանը հաճախ կոչվում է դաշինքի գերազանցիկ աշակերտ: Սակայն Վաշինգտոնը և Բրյուսելը դեռևս խուսափում են որոշում կայացնելուց: Չնայած Արևմուտքի խնդրի վերաբերյալ բանավեճին, Վաշինգտոնը կոչ է անում Թբիլիսիին պահել իր դիրքը:
