Վրաստանում կշարունակեն պատվաստել  AstraZeneca պատվաստանյութով:

Առողջապահության նախարար Էկատերինե Տիկարաձեն հրապարակել է պետության որոշումը` նշելով, որ բրիտանա-շվեդական պատվաստանյութը ստացել է Եվրոպայի հավանությունը, այն անվնաս է, ավելի շատ արդյունք ունի, քան ռիսկեր, ինչը ոչ մի երկրի հիմք չի տալիս հրաժարվելու նրանից. Միջգերատեսչական խորհուրդը որոշել է` առանց դադարի շարունակել պատվաստանյութի գործածումը:

Հիշեցնենք` Վրաստանում 3 օր առաջ մեկնարկել է բուժաշխատողներ պատվաստումը։ Այսօր 27-ամյա բուժքույրը, Ախալցիխեում պատվաստվելուց մի քանի րոպե անց իրեն վատ է զգացել, ապա կոմայում հայտնվել․ բժիշկներն  անաֆիլակտիկ շոկ  (ալերգիայի հազվագյուտ տեսակ) են կասկածում։  Բուժքրոջը տեղափոխել են Թբիլիսիի 1-ին համալսարանական հիվանդանոց, նրան արհեստական շնչառության ապարատ է միացված:

 Վերջին տվյալներով` Վրաստանում պատվաստվել է մոտ 2800 մարդ, գրանցվել է 5350-ը:  Վարակաբանները պանդեմիայի պայքարում հաղթելու համար ծրագրում են պատվաստել 1,7 միլիոն մարդու:

Տեսանյութ. Ախալցիխեում բուժքույրն ընկել է կոմայի մեջ. ենթադրվում է` պատվաստվելուց