Գեղասահքի Վրաստանի հավաքականի առաջատար Անաստասիա Գուբանովան Ճապոնիայի Սայտամա քաղաքում ընթացող աշխարհի առաջնության եզրափակիչի ուղեգիր է նվաճել։
20-ամյա մարզիկն առաջնության վերջին վեցյակի անդամ դարձավ և կարճ ծրագիրն ավարտեց 65,40 միավորով, ինչը համեստ գնահատական է՝ Եվրոպայի առաջնությունում նրա լավագույն արդյունքի (69,81 միավոր) համեմատ։
Երեսունհինգ մասնակիցներից լավագույն քսանչորսն անցան եզրափակիչ՝ ազատ ծրագիր։ Ազատ ծրագիրը կանցկացվի մարտի 24-ին։ Մինչ այդ՝ մարտի 23-ին, առաջնությանը կարճ ծրագրով կմասնակցեն տղամարդիկ, իսկ սառույցի վրա ելույթ կունենան նաև Վրաստանի հավաքականի անդամներ Մորիս Կղվիթելաշվիլին ու Նիկա Էգաձեն։
