Վրացական մանգանի առևտրային Steel International Trading Company ընկերությունը հրապարակել է 2021 թվականի ֆինանսական հաշվետվությունը, որից պարզ է դառնում, որ վերջին մեկ տարվա ընթացքում ընկերությունն իր եկամուտն ավելացրել է 546 մլն լարիով՝ հասցնելով 710 մլն լարիի։
Հաշվետվության համաձայն, ընկերության հիմնական գործունեությունը ֆերոսիլիկոմանգանիումի, կոքսի և քարածխի առևտուրն է։ Ընկերության եկամուտները, ըստ իրացված ապրանքների, բաշխվում են հետևյալ կերպ.
- ֆերոսիլիկոմանգանիում՝ 489 մլն լարի,
- կոքս՝ 148,1 մլն լարի,
- ածուխ՝ 24,7 մլն լարի,
- վառելիք՝ 14,7 մլն լարի,
- այլ՝ 33,6 մլն լարի։
Ընկերությունը հաշվետվության մեջ նշել է նաև, որ իր եկամուտների 481 մլն լարին գոյացել է արտահանումից, իսկ 229 մլն-ը՝ տեղական վաճառքից։ Ֆինանսական հաշվետվության համաձայն, ընկերության ակտիվները կազմում են 479 մլն լարի, իսկ պարտավորությունները՝ 325 մլն լարի։
Steel International Trading Company LLC-ն ստեղծվել է 2018 թվականին Վրաստանի օրենսդրությանը համապատասխան։ Ընկերության կապիտալի 100 տոկոսի սեփականատերը ֆիզիկական անձ Գիորգի Չելիձեն է։ Այսօր ընկերությունը Վրաստանի ամենաարագ զարգացող առևտրային ընկերություններից մեկն է: Ընկերությունը նախատեսում է ընդլայնել իր առևտրային ապրանքների պորտֆելը և ավելացնել եկամուտները:
