«Վրացական երազանք»-ը հայտարարել է, որ ընդդիմադիր կուսակցությունների գործունեությունը, որոնց անվանում է «Հավաքական ազգային շարժում», չի արգելելու մինչև տեղական ինքնակառավարման մարմինների (ՏԻՄ) ընտրություններ։ «Վրացական երազանք»-ը նման որոշման պատճառ է բերել ընդդիմության լուծարման համար անհրաժեշտ ընթացակարգերի անբավարար ժամանակը, ինչը պայմանավորված է քննչական հանձնաժողովի աշխատանքային ժամկետի երկարաձգմամբ։
Վիճելի խորհրդարանում «Վրացական երազանք»-ի հետաքննչական հանձնաժողովի ի սկզբանե նախատեսված եռամսյա ժամկետը պետք է ավարտվեր մայիսի 5-ին, սակայն վերջերս՝ ապրիլի 10-ի նիստում, հանձնաժողովը մեկ ամսով երկարաձգում էր պահանջել։
Ապրիլի 14-ին, մեծամասնության նիստից հետո, կուսակցության գործադիր քարտուղար Մամուկա Մդինարաձեն «Վրացական երազանք»-ի գրասենյակում հայտարարել է, որ իրենք համաձայն են ժամկետը երկարացնելու խնդրանքին, թեև ասել էր, որ դա որոշակի փոփոխությունների կհանգեցնի:
«Ընդամենը 3-ամսյա ժամկետով հնարավոր կլիներ ավարտել բոլոր ընթացակարգերը (ընդդիմության գործունեությունն արգելելու — հեղ.) մինչև ՏԻՄ ընտրությունները՝ համապատասխան կանոնակարգով, սակայն եթե ժամկետը երկարացնենք 1 ամսով, այս ժամկետում անհնար կլինի ավարտել այդ գործընթացը։ Համապատասխանաբար, մենք կընդունենք օբյեկտիվ իրականությունը, և «Հավաքական ազգային շարժումը» կրկին հնարավորություն կունենա մասնակցելու ընտրություններին։ Ամեն դեպքում մենք չենք հրաժարվի երկարաձգել հանձնաժողովի ժամկետը, քանի որ ոչ մեկը, ոչ մյուսը խնդիր չէ մեր թիմի համար», — ասել է Մդինարաձեն։
