Այսօրվանից Վրաստանում ուժի մեջ է մտնում սննդային հավելումների տեխնիկական կանոնակարգը։
Ըստ Վրաստանի սննդի ազգային գործակալության՝ սննդային հավելումների վերաբերյալ տեխնիկական կանոնակարգով սահմանվել է սննդային հավելումների արտադրության մեջ օգտագործելու համար նախատեսված թույլատրված վիտամինների, հանքանյութերի և դրանց քիմիական ձևերի ցանկը։
«Սննդային հավելումների վերաբերյալ տեխնիկական կանոնակարգը կարգավորում է բիզնես օպերատորի կողմից սննդային հավելումներում վիտամինների և հանքանյութերի օրական առաջարկվող առավելագույն քանակը:
Անվտանգ սպառման վերին սահմանը սահմանվում է գիտական տվյալների, ռիսկի գիտական գնահատման հիման վրա, հաշվի է առնում սպառողների տարբեր խմբերի զգայունության աստիճանը: Կանոնակարգը սահմանում է ապրանքների շուկայահանման և մակնշման կանոնները»,- հայտնել են գործակալությունից:
