Ուսանողների կազմակերպած ակցիայի մասնակիցների ու ուսանողների ցույցը շարունակվում է: Ցուցարարները Թբիլիսիի պետական համալսարանի (ԹՊՀ) առաջին մասնաշենքից շարժվեցին երկրորդ մասնաշենք։
Ուսանողները փակել են Ճավճավաձե փողոցը:
Ինչպես հավաքին հայտնել են կազմակերպիչները, ԹՊՀ երկրորդ մասնաշենք տեղափոխվելու պատճառն այն է, որ վարչապետ Իրակլի Կոբախիձեն դասախոսություններ է անցկացնում այս մասնաշենքում։
Երիտասարդներին համալսարանի 2-րդ մասնաշենքի մուտքի մոտ դիմավորել են իրավապահները:
Ուսանողները պահանջում են նոր, արտահերթ ընտրություններ։
Նոյեմբերի 14-ին Բաթումիում ուսանողները՝ ի նշան բողոքի, գիշերել են համալսարանում։ Շենքում ջեռուցում չի եղել, երկու անգամ հոսանքազրկվել է, սակայն նրանք շենքից դուրս չեն եկել:
Ընտրություններից հետո ամենօրյա կտրվածքով Վրաստանի քաղաքացիները ցույցեր են անցկացնում՝ պահանջելով չեղարկել ԿԸՀ-ի կողմից ներկայացրած արդյունքները:
