Վրաստանի կառավարությունում գործող միջգերատեսչական խորհուրդը հունիսի 22-ին որոշում կայացրեց երկրում կորոնավիրուսի տարածման կանխարգելման նպատակով սահմանված արգելքների մի մասը վերացնել, մյուս մասը՝ մեղմացնել:
Այսպիսով, Վրաստանի ամբողջ տարածքում բաց տարածքներում դիմակ կրելը պարտադիր չի լինի, բացի՝
- հասարակական տրանսպորտից,
- տրանսպորտի կանգառներից,
- շուկաներից
- այլ բազմամարդ վայրերից:
Փակ տարածքներում դիմակ կրելը պարտադիր կլինի:
Շուրջ 8 ամիս հետո Վրաստանում երեկոյան ժամերին տեղաշարժի արգելքը չի գործի հունիսի 30-ի ժամը 23:00-ից:
Չնայած տեղաշարժի արգելքի վերացմանը, երկրում կեսգիշերից հետո կարգելվի՝
- ռեստորանների,
- բարերի,
- սրճարանների
- գիշերային ակումբների աշխատանքը:
