Վրաստանի հակակոռուպցիոն բյուրոն այլևս չի հրապարակի հայտարարագրերը սխալ լրացած և իրենց ունեցվածքը թաքցրած պետական ծառայողների ցուցակը։ Այս մասին հակակոռուպցիոն բյուրոյից փոխանցել են «Ազատություն» ռադիոկայանին, նշելով, որ հայտարարագրերի վերաբերյալ զեկույցի հրապարակման կարգը փոխվել է։

Ըստ «Transparency International-Վրաստան» միջազգային հասարակական կազմակերպության՝ հակակոռուպցիոն բյուրոն այսկերպ խախտում է հակակոռուպցիոն օրենքը, չհրապարակելով պաշտոնյաների հայտարարագրերի մոնիտորինգի արդյունքները։

Ցուցակը չհրապարակվելու դեպքում քաղաքացիները չեն իմանա, թե որ պատգամավորը, նախարարը, դատավորը կամ պետական ​​այլ պաշտոնյան է հրապարակված տվյալների մեջ նշել սեփականության մասին ոչ ճշգրիտ տեղեկություն։

2023 թվականի տվյալներով հայտարարագիրը լրացնելու պարտավորություն է ունեցել ավելի քան 6,7 հազար պետական ծառայող։