Մարտվիլիի մունիցիպալիտետի Բալդի գյուղի կիրճ գյուղի մոտ, որտեղ նախորդ տարի զբոսաշրջային ենթակառուցվածքի կառուցման դեմ բողոքի ցույցերի մասնակիցները վրան էին տեղադրել, ֆիզիկական բախում է տեղի ունեցել:
Բալդիի բնակիչներ Մինդիա և Արչիլ Բժալավի եղբայրները մարմնական վիրավորում են ստացել. նրանք կիրճում ենթակառուցվածքի կառուցման դեմ բողոքի ցույցերի մասնակիցներ են։ Միջադեպի պատճառով ձերբակալվել են Բալդիի բնակիչներ Գելա և Գիգա Խուրցիլավա եղբայրները, ովքեր կողմ են կիրճում ենթակառուցվածքի կառուցմանը:
Բախումը տեղի է ունեցել հունիսի 11-ին, ժամը 11:00-ի սահմաններում։ Ականատեսների վկայությամբ՝ հարբած Խուրցիլավա եղբայրները որսորդական հրացանով և դանակներով վրան են եկել, զայրացել ու ֆիզիկական բռնության են ենթարկել գյուղացիներին, ովքեր արդեն մեկ տարի պահանջում են դադարեցնել Բալդիի կիրճում ապօրինի շինարարությունը։
Միջադեպի ականատեսներից մեկը հայտնել է, որ Մինդիա Բժալավան դանակի յոթ հարված է ստացել։ Նրան վիրահատել են Քութայիսիի կլինիկայում։ Արչիլ Բժալավան ձեռքի շրջանում համեմատաբար թեթև վիրավորում է ստացել։ Նրան անհապաղ բժշկական օգնություն է անհրաժեշտ եղել։ Եղբայրների կյանքին այս պահին վտանգ չի սպառնում։
Բալդիի կիրճում շինարարության հակառակորդները պնդում են, որ Խուրցիլավա եղբայրները մտերիմ են կառւոցապատող Canyon 350 ընկերության հետ և գործել են ընկերության ղեկավարության դրդմամբ։ 2022 թվականին պետությունը Բալդիի կիրճը վարձակալույթամբ տվել է Canyon 350-ին՝ այնտեղ զբոսաշրջային ենթակառուցվածքները զարգացնելու համար։
