Թբիլիսիի վերաքննիչ դատարանը չի բավարարել ընտրությունների հարցերով աշխատող «Արդար ընտրությունների և ժողովրդավարության միջազգային հասարակություն» (ISFED) հասարակական դիտորդական կազմակերպության (ՀԿ)՝ ընտրությունների օրը Կենտրոնական ընտրական հանձնաժողովի (ԿԸՀ) սահմանած նոր կանոնը չեղարկելու պահանջը։
Ապրիլի 8-ին Վերաքննիչ դատարանը ուժի մեջ է թողել Թբիլիսիի քաղաքային դատարանի ապրիլի 4-ին կայացրած որոշումը։
ISFED-ը պարզաբանել է, որ փոփոխություններն ամբողջությամբ արգելում են դիտորդներին պահանջել ընտրողների անձը հաստատող փաստաթղթեր. «Նման սահմանափակումը կարող է զգալիորեն դժվարացնել «կարուսելային» սխեմաների, բազմակի, կեղծ կամ անպատշաճ փաստաթղթերով քվեարկության նույնականացումը»:
Ըստ փոփոխության՝ դիտորդին արգելվում է.
- ընտրողի անձը հաստատող փաստաթուղթը ցույց տալու հարցում միջամտել, ներառյալ` վերցնել,
- պահանջել ընտրողի անձը հաստատող փաստաթղթի այլ մշակում, ընտրողների տվյալները ստուգող սարքում ցուցադրված, քվեարկության ստուգման սարքից տպված քվեարկության անդորրագիրը և ընտրողի ընտրության ֆոտոտեսագրումը քվեաթերթիկի վրա»:
ISFED-ի տնօրեն Նինո Դոլիձեի հայտարարությանն ավելի ուշ պատասխանել է ԿԸՀ-ն՝ դա անվանելով «մանիպուլյացիայի հերթական արշավ»։ Ըստ ԿԸՀ-ի՝ «Ընտրական օրենսգիրքը միշտ արգելել է ընտրողների անձնական տվյալների մշակումը և/կամ հրապարակումը»։
Հոկտեմբերի 26-ին կայացած խորհրդարանական ընտրությունները կեղծ են ճանաչել 5-րդ նախագահը, ընդդիմադիր կուսակցությունները և տեղական դիտորդական կազմակերպությունները։ Ընտրությունների արդյունքների արժանահավատությունը կասկածի տակ է դրել նաև ԵԱՀԿ/ԺՀՄԻԳ-ն։ Տարբեր տեղեկությունների համաձայն՝ ընտրությունների ժամանակ խախտվել է ձայների գաղտնիության սկզբունքը, բազմաթիվ են եղել ընտրակաշառքի, ահաբեկման, ընտրության կարգի խախտումների դեպքերը։
