Նոյեմբերի 6-ին Վերաքննիչ դատարանը փոխել է Գորիի շրջանային դատարանի նոյեմբերի 4-ի որոշումը, ըստ որի` Գորիի 32-րդ ընտրատարածքային ընտրական հանձնաժողովին հանձնարարել էր վերահաշվարկել 15 տեղամասերի քվեաթերթիկները։ Վերաքննիչ դատարանն այս որոշումը կայացրել է հօգուտ ընտրական վարչության և, համապատասխանաբար, անվավեր ճանաչել առաջին ատյանի դատարանի որոշումը։

Վերաքննիչ դատարանը չի բավարարել նաև հոկտեմբերի 26-ի խորհրդարանական ընտրություններում դիտորդական առաքելություն իրականացնող «Արդար ընտրություններ» ոչ կառավարական կազմակերպության բողոքները. կազմակերպությունը բողոքարկել էր Թբիլիսիի քաղաքային դատարանի որոշումը երկու ընտրատարածքների ընտրական հանձնաժողովների վերաբերյալ։