Թբիլիսիում բնակվող սոցիալապես անապահով թոշակառուները տարեկան կստանան 500 լարի (մոտ 160 դոլար) արժողությամբ օգնություն՝ վաուչերի տեսքով։ Այս մասին հայտնել է Թբիլիսիի քաղաքապետ Կախա Կալաձեն՝ նշելով, որ այս վաուչերով հնարավոր կլինի գնել ընտանեկան բժշկի կողմից նշանակված դեղորայքը։
«40 հազար սոցիալապես անապահով թոշակառուներ կօգտվեն այս ծրագրից»,֊ ասել է Կալաձեն՝ հավելելով, որ ծրագրի բյուջեն կկազմի 10 մլն լարի (մոտ 3 200 000 դոլար)։
Ծրագիրը կմեկնարկի 2022 թվականից։
Տիրուհի Համազարյան, «Ալիք մեդիայի» ստաժոր
