Թբիլիսի-Սենակի-Լեսելիձե ավտոմայրուղու Գորիի հատվածում տեղի ունեցած ճանապարհատրանսպորտային պատահարի հետևանքով առաջացած հրդեհը մարվել է:
Արտակարգ իրավիճակների կառավարման Շիդա Քարթլիի բաժանմունքի հրշեջ-փրկարարների 6 խումբ երկու ժամ շարունակ մարել է կրակը:
Հրդեհը առաջացել է բենզին պարունակող կցորդում: Դեպքի վայրից հրշեջ-փրկարարներն ու իրավապահները մի քաղաքացու դի են գտել: Դեպքի առնչությամբ սկսվել է հետաքննություն:
Ներկա պահին առկա տեղեկատվության համաձայն, բեռնատար մեքենան դուրս է եկել ճանապարհի երթևեկելի մասից, ինչի հետևանքով առաջացել է հրդեհ:
გორი — 12 აპრილი
Posted by საგანგებო სიტუაციების მართვის სამსახური / Emergency Management Service on Friday, April 12, 2019
