«Վրացական երազանք»-ի միակուսակցական խորհրդարանը երեք ընթերցմամբ ընդունեց «Պրոֆեսիոնալ թատրոնների մասին» օրենքում փոփոխությունների փաթեթը:
Այս փաթեթը ներառում է թատրոնի կառավարման երկաստիճան մոդելի վերացում։ «Վրացական երազանք»-ի օրինագծի համաձայն՝ թատրոնը ղեկավարելու է բացառապես տնօրենը, իսկ գեղարվեստական ղեկավարի պաշտոնը վերացվում է։
Գործող օրենքով գեղարվեստական ղեկավարը թատրոնի ընդհանուր ղեկավարն է, որը որոշում է ստեղծագործական ուղղությունը և պատասխանատու է թատրոնի գործունեության համար, իսկ թատրոնի տնօրենն իրեն վերապահված լիազորությունների շրջանակում իրականացնում է վարչատեխնիկական, կազմակերպչական և ֆինանսական կառավարում։
«Վրացական երազանք»-ի ընդունած այս և մյուս օրենքները պետք է ստորագրի Միխեիլ Կղավելաշվիլին։ Կղավելաշվիլիի ստորագրելուց հետո այս օրենքը ևս ուժի մեջ կմտնի օրենսդրական տեղեկագրում հրապարակվելուց հետո։
