Վրաստանի երիտասարդ իրավաբանների ասոցիացիայի (GYLA) նախագահ Նոնա Քուրդովանիձեն այսօր հատուկ ճեպազրույցում խոսել է պետության կողմից տեսախցիկներով դեմքի ուսումնասիրության կիրառման նպատակների մասին։
Ըստ նրա՝ այդ տեսախցիկների օգտագործումը մարդու անձնական տվյալների անձեռնմխելիության կոպիտ խախտում է, քանի որ երբ, օրինակ, այդ տեսախցիկներով արված կադրերը մեծացնում են, թղթի վրա գրված բոլոր մակագրությունները հստակ երևում են։
«Այս պրակտիկան միտումնավոր օգտագործվում է թե՛ քաղաքացիներին վախեցնելու, թե՛ բողոքի ակցիայի մասնակիցների վարքագիծը վերահսկելու համար։ Դա նաև կարող է զսպող ազդեցություն ունենալ արտահայտվելու ազատության ինքնասահմանափակմամբ», – ասել է Նոնա Քուրդովանիձեն։
Ըստ GYLA-ի՝ քաղաքացիների հսկողության վերոնշյալ օրինակը վկայում է ՆԳՆ կողմից անձնական տվյալների ապօրինի հավաքագրման և մշակման մասին՝ առանց օրինական հիմքերի։
Ըստ Քուրդովանիձեի՝ Անձնական տվյալների պաշտպանության ծառայությունն այս պահին որևէ գնահատական չի տվել դրան։ Նա ևս մեկ անգամ կոչ է արել գործակալությանը` պատշաճ կերպով հետաքննել միջադեպերը և արդյունավետ արձագանքել:
