Զուգդիդիում վիրուսից պաշտպանող միջոցներ բաժանելու ակցիան ընդդիմության համար ավարտվել է տուգանքով:
Պարեկային ոստիկանությունն արդեն համապատասխան արձանագրությունը հանձնել է «Նոր առաջնորդների նախաձեռնություն» հասարակական կազմակերպության ղեկավար ամերիկուհի Կրիստին Պուշոուին: Ըստ արձանագրության՝ ընդդիմադիր «Միացյալ ազգային շարժում» կուսակցությանն աջակցող ընկերությունը պարտավոր է պետությանը 15 հազար լարի (մոտ 4200 դոլար) տուգանք վճարել: Արձանագրությունը ստանալուց հետո ակտիվիստ Պուշոուն սոցցանցերում հայտնել է, որ կազմակերպության հասցեին բազմաթիվ աջակցության նամակներ է ստացել: Ի պատասխան նա նաև Մարթվիլիից լուսանկար է հրապարակել, որում երևում է՝ ինչպես են մարդիկ կանգնած թոշակի՝ անկազմակերպ հերթում:
Մարդկանց ամեն դեպքում բաժանվել են դիմակներ, ձեռնոցներ ու ախտահանող նյութեր, իսկ ընդդիմադիր կուսակցությունից հայտարարել են, որ մի քանի հազար մարդու հավաքն ընդդիմության կողմից չի կազմակերպվել:
Լուսանկարներն՝ ակտիվիստի ֆեյսբուքյան էջից
