Լրատվամիջոցներում տեղեկություն է տարածվել Թբիլիսիի մի շարք դպրոցներում սկսված տարհանման մասին։

Թբիլիսիի Միխեիլ Գրուշեվսկու անվան թիվ 41 հանրակրթական դպրոցից աշակերտների, ուսուցիչների և անձնակազմի դուրսբերումից հետո տեղում աշխատում են իրավապահները։

«Ռադիո Թավիսուփլեբա»-ի փոխանցմամբ՝ երկու մասնավոր դպրոցներ էլեկտրոնային հաղորդագրություններ են ստացել իրենց տարածքում ռումբի առկայության մասին, տեղեկացվել են նաև ծնողները։

Նույն աղբյուրի փոխանցմամբ՝ ծանուցումն ստանալուն պես կրթօջախներում իրականացվել են արտակարգ միջոցառումներ։