Ամերիկյան հայտնի «Starbucks» սրճարանային ցանցի ղեկավարությունը, վրացական Իմեդի հեռուստաընկերության հետ զրույցում հայտարարել է, որ Վրաստանում «Starbucks»-ի բրենդային խանութ բացելու վերաբերյալ տարածվող տեղեկությունները չեն համապատասխանում իրականությանը:

Նշենք, որ նախօրեին տեղեկատվություն էր տարածվել առ այն, որ 2016-ի դեկտեմբերին Թբիլիսիի քաղաքապետարանի տարածքային կառավարման վարչության որոշմամբ «Կապսուլո» ՍՊԸ-ին է տրամադրվել Կախեթիի մայրուղուն հարող հողակտոր, որտեղ` ըստ տարածված տեղեկատվության, նախատեսվել է բազմաֆունկցիոնալ կոմերցիոն կենտրոն կառուցել, որտեղ եւ ենթադրաբար գործելու էր «Starbucks»-ը:

Իր հերթին Թբիլիսիի քաղաքապետարանը փոխանցել է, որ նշված բազմաֆունկցիոնալ համալիրի կառուցման վերաբերյալ փաստաթղթերում, կամ բանավոր խոսակցություններում, «Starbucks» անվանումը որեւէ կերպ չի նշվել: Խոսվել է միայն այն մասին, որ համալիրը ներառելու է առեւտրային հատված եւ սրճարան:

Տեղեկատվության աղբյուրը` Caucasus Business Weekly