Վրաստանի մրցակցության ազգային գործակալությունը սկսել է դեղագործական շուկայում չորս դեղագործական ընկերությունների հետաքննության գործընթացը։

Ըստ Մրցակցային գործակալության, խնդիրն առնչվում է վերջին շրջանում խրոնիկական և ուռուցքաբանական դեղամիջոցներ ներկրողների ու դիստրիբյուտորների կողմից գների կտրուկ բարձրացմանը։

Հետաքննության ենթակա ընկերությունները և դեղագործական ասոցիացիաները հնարավորություն կունենան ներկայացնելու իրենց դիրքորոշումները/բացատրությունները։

Հիշեցնենք, որ Վրաստանի առողջապահության նախարարությունը ավելի վաղ հաղորդագրություն էր տարածել, ըստ որի` նկատվել է ուռուցքաբանական դեղերի գների արհեստական ​​բարձրացում։ Գերատեսչության տվյալներով՝ առանձին դեղագործական ընկերությունների կողմից հերթական անազնիվ գործողություններն են նկատվում։