Խորհրդարանում գենդերային քվոտաների վերացման մասին օրինագծի քննարկման ժամանակ «Վրացական երազանք» իշխող կուսակցության պատգամավոր Բեքա Օդիշարիան սեռական բնույթի հայհոյանք է հնչեցրել դահլիճում ներկա ընդդիմադիր կին պատգամավորների հասցեին։ Օդիշարիան նրանց բնութագրել է որպես «չբավարարված կանայք»՝ օգտագործելով փողոցային անընդունելի արտահայտություն։

«Չբավարարված կանայք: Դա չբավարարված կանանց սինդրոմ է», — ասել է Օդիշարիան խորհրդարանում՝ ի պատասխան քվոտավորման վերացմանը դեմ հնչած կարծիքներին։

Այսօր խորհրդարանում քննարկվել է քվոտաները վերացնելու օրինագիծը, որն առաջին ընթերցմամբ ընդունվել է։ Օրեր առաջ՝ ապրիլի 1-ին, Վրաստանի իշխող «Վրացական երազանք» կուսակցությունը հայտարարել էր, որ կաջակցի «Գիրչի» կուսակցության նախաձեռնությանը, որը նախատեսում է կուսակցությունների ընտրական ցուցակներում գենդերային քվոտաների վերացում։

Մանրամասները տեսանյութում՝

https://www.instagram.com/reel/C5TOR_0MBBv/?fbclid=IwAR33w7G-rnWTyYLUQgAKbNzyMtOXSrRPJmAR564Kom4fN3-kkO2atVqPO7E_aem_AZQquMf-gVguEbBGzxprvMuDKtpFGL_crBJdhLEWLAfMZmiYNKp2IEmieZpTVkeeRaxGr-E2eDndmYn-KqLYMYRL